【Dr. Any毛】黃正宜劉沛蘅馬騮搣分享養貓經驗 性情中人阿正感動落淚
娛樂
發布時間: 2022/12/20 13:47
最後更新: 2022/12/20 13:47
▲ (左起)黃正宜、馬騮搣、劉沛蘅任嘉賓。
由楊偉倫主持ViuTV節目《Dr. Any毛》,在明晚(12月21日)播出的一集邀請到黃正宜(阿正)、劉沛蘅(Hillary)和馬騮搣(Gladys)分享養貓經歷。
提及最難忘養貓經歷時,阿正分享曾以身作則教愛貓們Mocha和Dirty飲水。
阿正激動大喊
她笑言:「嗰時換咗部新嘅自動水機俾佢地。點知,佢地就覺得好高科技唔識用,甚至避開部水機。我就諗點先可以教到佢地識用部水機同唔會驚呢?所以我決定身教,親身示範點樣用水機飲水。第二日佢地就即刻識用!」而此舉就獲Dr. Eric大讚,指阿正懂得用動物的語言互相溝通。
當Gladys談及愛貓Tomtom因末期腎衰竭而在家中離世時,令到全場不禁黯然落淚。
阿正更激動大喊:「因為有時喺屋企自己諗都會喊。如果養得佢地一個月,佢哋死咗嘅話,咁我點算呀?」她分享指已當愛貓們如仔女,亦開始慢慢學習去準備面對生離死別。
最新影片推介:丁子朗專訪
撰文 : TOPick柴犬出動